So Long Hasi Paroles

Wie nes ungmachts Näscht
Ufem Flug zur Venus
Dür e ändlosi Nacht

I wärme myni Hasepfote
A chaltem Stärneliecht
A Liecht, wo wie nes Wiehnachtscherzli
Zu Osteren isch

U myni alti Hasewält
I cha se nümme gseh
I flüge alei dür ds All
I bi niene meh


Verlore wie ne Gagu
Schwäben i dur's läären All
Und us däm All da gits kei Uswäg
Will das hueren All isch überall

I zieh hie so mini Bahne
Zwüsche nüt u zwüschem Läbe
U beides geit u-lang, hey
U beides isch e Qual

I chäm so gärn
Chäm so gärn obenabe
I chäm so gärn
No einisch zrügg ids Ämmital

Weni schlafe, när tröimen i
I chönnti gah
Über Fälder, Wälder, Strasse
Immer der Hasenase nah

Verlore wie ne Gagu
Schwäben i dur's läären All
Und us däm All da gits kei Uswäg
Will das hueren All isch überall

I chäm so gärn
Chäm so gärn obenabe
I chäm so gärn
No einisch zrügg ids Ämmital
So long, Hasi, so long
So long, Hasi
Auf Wiedersehn

Verlore wie ne Gagu
Schwäben i dur's läären All
Und us däm All da gits kei Uswäg
Will das hueren All isch überall