Contactez-nous

• Artiste: Davide Van De Sfroos
• Titre: Il Cavaliere Senza Morte
Assurez-vous que les corrections sont tout à fait exactes
S'il vous plaît, les mettez en évidence en quelque sorte!
Vous pouvez, par exemple, écrire
INCORRECT: avant la mauvaise ligne
CORRECT: avant la correspondant ligne correcte
Autrement, nous ne pouvons les corriger pas! Merci pour votre aide.
De tera n'ho traversàda, de acqua n'ho cognussüda, de veent n'ho inscè purtaa in di me sacöcc... se sun sbassàa come un ramm de sàles, se sun smagiaa come un trunch de plàten ma sun staa anca bel drizz cumè un ciprèss... quaand che m'hann dii che'l mund girava ho cuminciaa a cürrech a'dree e adèss ho giraa püsse de luu... ma l'soo che ho mea vengiüü... Ho pruvaàa el Martèll de Thor, i sgrafignaad de la Babayaga e Vainamöinen el m'ha insegnaa a cantà... e quanti omen con scià na spada ho trasfurmàa in funtàn de saangh e pò la Morrigan la passava a netà tütt... quand che m'hann dii che'l muund cantava stori de Achille e de Cuchulain me n'ho cupàa püsèe de luur... ma de canzönn n'ho mai sentüu... E alura via anima in pèna a carcà el fuund de la damigiana senza necorgéss che ho bevüü in del Sacro Graal... vurèvi beev per desmentegà e ho guadagnaa l'immortalità propi la sira che vurevi pruvà a crepà... una Valchiria da segunda man e un druido senza giüdizi m'hann faa sultà deent nel teemp comè un precipizi... e sun partii per la nuova gloria e ho vedüü merci la storia cumè un Dio in armadüra ma a pè biütt... Forsi per noia o per vanità, sun naa in söl fuund del laagh per ritruvà la spada de Re Artù... ma Excalibur serviss a un cazzo, e Viviana me l'ha dii se a manegiàla ghè lè un rembambii... quand che m'hann dii che 'l muund pregàva, ho pregaa püsse de lüü e adess che ho tacaa la spada al müür... effettivamente la me paar 'na cruus... E sun partii per la tèra santa, la lama in cieel e l'infernu in tera perchè m'han dii che l'era santa anca la guera... culpi de spada a furma de cruus culpi de spada a mezzalöena che in paradis a tücc ghe spècia una pultrona... e i m'hann dii che se'n cupavi tanti, scancelavi i mè pecàà... che l'è diverso cupà quii giüst e quii sbagliàa... Ma me pudévi piö murì... e quindi niente aldilà... ho saraa i öcc e ho pruvàa a specià... ho speciaa che la finiva e sun indurmentaa ho verdüü i öcc e ho veüü i carri armàa... (Grazie a Martino per questo testo)