Contactez-nous

• Artiste: Massimo Ranieri
• Titre: Farvecatura
Assurez-vous que les corrections sont tout à fait exactes
S'il vous plaît, les mettez en évidence en quelque sorte!
Vous pouvez, par exemple, écrire
INCORRECT: avant la mauvaise ligne
CORRECT: avant la correspondant ligne correcte
Autrement, nous ne pouvons les corriger pas! Merci pour votre aide.
All'acqua e a 'o sole fràveca cu na cucchiara 'mmano, pé ll'aria 'ncopp'a n'anneto, fore a nu quinto piano nu pede miso fauzo, nu muvimento storto, e fa nu vuolo 'e l'angelo: primma c'arriva, è muorto. Nu strillo; e po' n'accorrere: gente e fravecature. < riciata ancora .... E' Ruoppolo! <Tene ddoje creature! L'aizano e s'ò portano Cu na carretta a mano. Se move ancora ll'anneto Fore d' 'o quinto piano. E passa stu sparpetuo, cchiù d'uno corre appresso; e n'ato, 'ncopp'a n'anneto canta e fatica 'o stesso. 'Nterra, na pala 'e cavece Cummoglia 'a macchia 'e sango, e 'e sghizze se scereano cu 'e scarpe sporche 'e fango. Quanno ò spitale arrivano, 'a folla è trattenuta, e chi sape 'a disgrazia racconta comm'è gghiuta. E attuorno tutt' 'o popolo: <Madonna! - Avite visto? < Do quinto piano! - 'E Virgine! < E comme, Giesucristo...? ! E po' accumpare pallido Chillo c' 'ha accompagnato: e, primma ca ce 'o spiano, fa segno ca è spirato. Cu 'o friddo dint'a ll'anema, 'a folla s'alluntana; 'e lume già s'appicciano; 'a via se fa stramano. E à casa, po', 'e mannibbele, muorte, poveri figlie, mentre magnano, a tavola, ce 'o diceno a 'e famiglie. 'E mamme 'e figlie abbracciano, nu sposo abbraccia 'a sposa..... E na mugliera trepida, aspetta, e nn'arreposa. S'appenne 'a copp'a ll'asteco; sente 'o rilorgio: 'e nnove! Se dice nu rusario.... E aspetta e nun se move. L'acqua p' 'o troppo vòllere S'è strutta 'int' 'a tiana, 'o ffuoco è fatto cènnere. Se sente na campana. E 'e ppiccerelle chiagneno Pecchè vonno magnà: <mammà mettimmo 'a tavula! < si nun vene papà? 'A porta! Tuzzuleano: < Foss'isso? - E va 'arapì. < Chi site? - 'O capo d'opera. Ruoppolo abita qui? < Gnorsì, quacche disgrazia? Io veco tanta gente... < Calmeteve, vestiteve... < Madonna! < E' cosa 'e niente. E' sciuliato 'a l'anneto D' 'o primmo piano. Uh, Dio! E stà ò spitale? < E' logico. < Uh, Pascalino mio! 'E ddoie criature sbarrano ll'uocchie senza capì; 'a mamma, disperannose, nu lampa a se vestì; 'e chiude 'a dinto; e scenneno Pe' grade cu 'e cerine. <Donna Rachè! <Maritemo Che ssà, stà e' Pellerine. E' sciuliato 'a ll'anneto. <Sì, d' 'o sicondo piano. E via facendo st'anneto, ca saglie chianu chiano. <Diciteme, spiegateme. <Curaggio. <E' morto?! <E' morto?! D' 'o quinto piano. All'anneto. Nu pede miso stuorto. P' 'o schianto, senza chiagnere, s'abbatte e perde 'e senze. E' Dio ca vò na pausa A tutte 'e sofferenze. E quanno a' casa 'a portano, trovano 'e ppiccerelle 'nterra, addurmute. E luceno 'nfaccia ddoie lagremelle.