Contactez-nous

• Artiste: Hans Söllner
• Titre: S'Schwabingliad
Assurez-vous que les corrections sont tout à fait exactes
S'il vous plaît, les mettez en évidence en quelque sorte!
Vous pouvez, par exemple, écrire
INCORRECT: avant la mauvaise ligne
CORRECT: avant la correspondant ligne correcte
Autrement, nous ne pouvons les corriger pas! Merci pour votre aide.
I bin letze Woch amal in Schwabing drunt'n g'wen, I woll't de Disco-Dirnd'ln im Glittzerg'wandl seg'n, aber leider war's z'kalt und s'Wetter war verrengt, da san's net umananda g'rennt. Da geh I in a Kneip'n und b'stell mia an Kaffee, da sieg I nem'bei oane sitz'n ja mei war de schee, an Pelz vom Rieger hot's o'ghabt und Haar war'n lauter Zöpf, an Schlitz im Rock und a Blus'n ohne Knöpf. I schaug's a zeitlang o, dann geh I umi zu ihr und sag ganz freundlich "Na wie war's, Spatzer'l, geh'st a weng mit mir spazier'n?" Da fragt's mi ob i blöd bin oder was I von ihr halt, sie geht doch nicht do naus, ihr is viel z'kalt. Und außerdem hat's g'sagt, kimmt eh glei ihr Freund, der keinen Spaß versteht, wenn's um Sie geht, hat's g'meint, der haut allweil glei zua und sie hat scho a bissal Angst, weil er gar so eifersüchtig is der Schwanz. "Geh weider Dirndl", sag'i "so tragisch kann's net werd'n, weil schmächtig bin I ja a grad net, schaug'ts nur her meine Herrn, der braucht bloß bläd daher'redn, na hau I eahm a paar drauf, na wacht'er in Grenwald drennt wieder auf!" Auf oamoi hat's an Dumpf'n do und finster is word'n, da Neptun und de Venus, kreis'n um meine Ohr'n i sig no sei bläd's lacha na wird's wieder Nacht, im Rechts der Isar bin I dann erwacht. Seit dem geh' I nimmer nach Schwabing, schau koane mehr o und wenn se' oane zu mir her setzt, dann verziag I mi auf's Klo, da bleib I dann sitz'n, bis spät in die Nacht, und g'frei mi daß I's ausg'schmiert hab und lach und g'frei mi daß I's ausg'schmiert hab und lach.