Paroles de Zieh- Und Zupfkapell

Scho früher en dr Schual do plogt oin Mathe ond Physik
Koin Bock auf Hausaufgaba - drfür an Oiser en Musik
Mei Vader schempft da ganze Tag: wann wirsch du endlich gscheit
Mit Senga ond Gitarreschpiela komsch amol net weit
Em Sommer gosch en d'Nochhilfe sonscht zieh i ens Hotel
Aber noi i will ge Zelta - mit dr Zieh-und Zupfkapell
Und obendsauf dr Eisboh triffsch a Mädle des dr gfällt
Ond bereits scho noch zwoi Schtonda isch dia d'Schenschda auf dr Welt
Doch später denksch dr irgendebbas schtemmt mit derra net
En oiner Tour verzählt die dir was sia gern ällas hätt:
An Porsche - nach Mallorca - ond a Schmecke von Chanel
Also nix wia weg ond schpiela - mit dr Zieh- und Zupfkapell
So kommt ma drüberweg weil d'Musik dia macht oim Spaß
Ond wenns drenna koiner hera will - no schpielsch halt auf dr Gass
So fahrat mir durch d'Gegend ond tretad Obends auf
Ond auch em achta Johr freit sich a jeder von uns drauf
Posaune, Tuba, Quetschkommod ond a Waschbrett mit 'ra Schell -
Wenn so was hearsch bisch sicher - bei dr Zieh- und Zupfkapell