Sognando Napoli vol. 2 cover

'O Ritratto 'E Nanninella Paroles

Gianni Celeste

Album Sognando Napoli vol. 2

Paroles de 'O Ritratto 'E Nanninella

Caro pittore,
'mméscale cu 'o penniello sti culure
pròvate a fá nu quadro di valore
Píttace na matassa 'e seta nera,
píttace doje curvine, scure scure
na fravula zucosa
e na schiuppata 'e rose, rose tè!

Chist'è 'o ritratto,
'o ritratto 'e Nanninella
Suspire e vase ardente,
prumesse e giuramente,
bellezze e vanitá!

Chistu ritratto
'o ritratto 'e Nanninella
che fa si mm'ha lassato
si 'ammore, mo, è fernuto
Chistu ritratto
ce ll'aggia manná!

Caro pittore,
'mméscale cu 'o penniello sti culore
pròvate a fá nu quadro di valore
Píttace na tempesta 'mmiez'ô mare,
píttace, atturcigliata a ciento core, 'o ritratto 'e Nanninella
Suspire e vase ardente,
prumesse e giuramente,
bellezze e vanitá!

Chist'è 'o ritratto,
'o ritratto 'e Nanninella
Suspire e vase ardente,
prumesse e giuramente,
bellezze e vanitá!

Chistu ritratto
io ce 'o manno a Nanninella
Giacché dimane sposa,
lle voglio fá 'a surpresa
Chist'è 'o regalo 'e nozze
ch'aggia fá!


Chistu ritratto
io ce 'o manno a Nanninella
Giacché dimane sposa,
lle voglio fá 'a surpresa
Chist'è 'o regalo 'e nozze
ch'aggia fá!