Ana Wahida Paroles

أنا ضعيفة
ليالي الوحدة دي مخيفة
حياتي مملة وسخيفة
في نفس الدايرة أنا ماشية
بقالي سنين

بنام بس الوجع صاحي
ومين بيحس بجراحي
لإمتى يا قلبي هاتخبي
وإمتى يا روحي ترتاحي
وجاية دنيتي عليا
ومنسية

ساعات ببكي وأنا بغني
ويسرح بيا تفكيري
بطمني وبحضني
ما أنا أصلي ماليش غيري
وبمسح دمعة في عينيا بإيديا

ومش فارق وموعودة
بتعبي وخوفي موعودة
حياتي كإنها أوضة
تبان جنة
لكن بابها مالوش مفتاح