Paroles Festa Zitellina Canta U Populu Corsu

Artiste: Canta U Populu Corsu
Chanson: Festa Zitellina

À passi di ghjatta
A neve s'aguatta
È piglia è sì piatta
In ogni furcò.

Piove piove latte
V'aggranca le patte
Ci hè pocu à scumbatte
O sgiò calafrò.

Si vede sumeri
Arechji in pinseri
Umbrosi mazzeri
Pè 'ssi cacciarò.

Sò fatti à frisgetti
I nostri fussetti
Sò in biancu li tetti
Chì bella staghjò.

Evviva li stracci
Prestu à vultulacci
Ingrati zitellacci
-Perchè o Babbò?

U ventu sculiscia
Lascendu una striscia
Di bambace liscia
Soprà li machjò.

U ventu rumena
U celu sumena
L'angoscia è la pena
Di l'omi maiò
Paroles Mania